डडेल्धुरा । जिल्ला सदरमुकाम स्थित तुुफानडाडाको ज्ञानोदय माविमा संचालित भलिबलको उपाधी आयोजक ज्ञानोदय माविले जितेको छ । खसी उपहार राखी शनिबार आयोजना गरिएको मैत्रीपूूर्ण भलिबल प्रतियोगितामा माउन्टेन माविलाई पराजित गर्दै ज्ञानोदय माविले उपाधी जितेको हो ।
पाँच वटा टिम सहभागी भएको प्रतियोगिता लिग चरणमा खेलाईएको थियो । ज्ञानोदय माविले माउन्टेन माविलाई तगातर तीन सेटले हराउदै उपाधि जितेको हो । ज्ञानोदयले माउन्टेनलाई पहिलो सेटमा २७-२५ दोस्रो सेटमा २५-६ र अन्तिम तेस्रो सेटमा २५- १ ले पछि पार्दै जित हात पारेको होे ।
जिल्ला स्थित बैंकर्स एसोसियसन क्लव, अमरगढी नगरपालिका ७ पोखरा, योंग टिचर्स ग्रुप, माउन्टेन मावि, ज्ञानोदय मावि प्रतियोगितामा सहभागी भएका थिए । पोखरा र योंग टिचर्स ग्रुपलाई पछि पार्दै ज्ञानोदय मावि फाईनलमा प्रवेस गरेको थियो ।
यसैगरि योंग टिचर्स ग्रुप र पोखरालाई पछि पार्दै माउन्टेन मावि पनि फाईनलमा प्रवेस गरेको थियो ।
आपसी सदभाव र दशैँ तिहारको शुुभकामना आदन प्रदानका लागि मैत्रीपूूर्ण भलिबलको आयोजना गरिएको ज्ञानोदय माविका प्रधानाध्यापक जगदिश धामीले बताए ।
