डडेल्धुरा । जिल्ला सदरमुकाम अमरगढीको जयबाबा घटा युवा क्लवले राकेश स्मृती फुटबल प्रतियोगिताको आयोजना गर्ने भएको छ । अमरगढी नगरपालिका–४ तल्लो खलङ्गको क्लवले शनिबार ट्रफी सार्वजनिक गर्दै प्रतियोगिता बारे जानकारी गराएको छ ।
क्वलका अध्यक्ष विकास भण्डारीका अनुसार केही समय अघिमात्रै दिवंगत भएका क्लवका सदस्य युवा राकेश ऐरको सम्झनामा राकेश स्मृति फुटबल प्रतियोगिताको आयोजना गर्न लागिएको हो । उनका अनुसार आउदो कार्तिक ३ देखी ५ गते सम्म आयोजना हुन लागेको फुटबल प्रतियोगितामा प्रथम हुने टिमलाई ट्रफी सहित नगद ३० हजार रुपियाँ द्धितिय हुनेलाई ट्रफी सहित नगद १५ हजार र तृतिय हुने टिमलाई ट्रफी सहित नगद ७ हजार रुपियाँका साथै प्रमाण–पत्र पुरस्कार राखिएको छ ।
टुडिखेलमा आयोजना गरिन लगोको प्रतियोगितामा टिम दर्ताक लागी एक हजार नौ सय रुपियाँ दर्ता शुल्क तोकिएको छ । प्रतियोगिता संञ्चालनका लागी क्लवका पूर्व खेलाडी तथा शुभचिन्तकहरुले पनि सहयोग गरेका छन ।
डडेल्धुरा सदरमुकामा निकै पहिले स्थापना भई सामाजिक क्षेत्रमा काम गरिरहेको जयबाबा घटाल युवा क्लव २०६८ मा विधिवत रुपमा दर्ता भई खेलकुद लगायत विभिन्न क्षेत्रमा काम गर्दै आईरहेको छ ।
